ஒரு பாடலுக்கு ஆடும் ஹன்சிகா?

தெய்வத்திருமகள் படத்திற்கு பிறகு விக்ரம் நடிக்கும் படம் 'ராஜபாட்டை'. படுவேகமாக நடந்து வரும் ஷூட்டிங்கில் முக்கியமான பாடல் காட்சி ஒன்று பாக்கி உள்ளது. இந்தப் பாடலில் விக்ரமுடன் யாரை ஆட வைக்கலாம் என்று யோசித்து வருகிறார்கள். முன்னணி நடிகையாகவும் இருக்கணும், வேறு எந்தப் படத்திலும் ஒரு பாடலுக்கு அடியவராகவும் இருக்கக் கூடாது என்று ஏகப்பட்ட கண்டிஷன்கள் போட்டு தேடியதில் ஹன்சிகா அனைவருக்கும் பிடித்திருக்கிறார். ஹன்சிகா இந்த ஆஃபருக்கு இதுவரை ஒத்துக் கொண்டதாக சேதியில்லை.

விக்ரமுடன் ஸ்ரேயா, ரீமா ஒரு பாடலுக்கு டான்ஸ்!

‘ராஜபாட்டை’ படத்தில் விக்ரமுடன் ஸ்ரேயா, ரீமா சென் இணைந்து ஒரு பாடலுக்கு ஆடுகிறார்கள். இந்தப் பாடல் காட்சி ஜப்பானில் படமாக்கப்படுகிறது. சுசீந்திரன் இயக்கத்தில் விக்ரம், தீக்ஷா சேத் நடிக்கும் படம், ‘ராஜபாட்டை’. பி.வி.பி சினிமா புரொடக்ஷன்சுக்காக பிரசாத் வி.பொட்லாரி தயாரிக்கிறார். இதில், ‘அனல் முருகன்’ என்ற ஜிம்பாய் கேரக்டரில் விக்ரம் நடிக்கிறார். ஐ.டி பெண்ணாக தீக்ஷா சேத். பிரமாண்டமான கமர்சியல் மசாலா கதையை கொண்ட இந்தப் படம் ஆக்ஷனுக்கு முக்கியத்துவம் கொடுத்து எடுக்கப்பட்டுள்ளது. யுவன் சங்கர் ராஜா இசையில் இடம்பெற்றுள்ள ஒரு பாடலுக்கு ஆட, பிரபல ஹீரோயின்களிடம் பேசி வந்தனர். கடைசியாக ஸ்ரேயாவும் ரீமா சென்னும் சம்மதித்துள்ளதாகத் தெரிகிறது. ‘கந்தசாமி’யில் ஸ்ரேயாவும் ‘தூள்’ படத்தில் ரீமா சென்னும் விக்ரமுடன் நடந்திருந்தனர். ‘ஜப்பானில் கல்யாணராமன்‘ படத்துக்குப் பிறகு அங்கு  ஷுட் பண்ணும் தமிழ்ப்படம் இது என்கின்றனர்.